每一個時代總有一套漫畫能夠深入你或我心目中，陪伴我們成長，好似王司馬嘅《牛仔》、王澤嘅《老夫子》、李惠珍嘅《十三點》，到後來黃玉郎嘅《龍虎門》同麥家碧嘅《麥兜》等等都風靡一時。其中仲有一套好「入屋」嘅漫畫，就係廣播劇《芝See菇Bi Family》苦榮與小苦妹一家，佢地當時好受大家歡迎。廣播劇、漫畫、電影、甚至歌曲咩都有。苦榮一家嘅生活大小事，就好似喺我哋身邊發生緊，伴我哋成長。

近年香港本土都出產好多知名嘅插畫家，好似門小雷同利志達等，佢哋甚至可以走出香港發展，大獲好評。不過仍然有唔少人認為「畫公仔」出路窄、成名難。苦榮一家嘅漫畫創作人伍尚豪就認為，香港「畫公仔」其實有不少出路，而跨媒體嘅發展賦予更多嘅空間。有時一個「公仔」勝過千言萬語，但好嘅創作必須要有感染力，「想要打動人，就先要打動自己」。