每一个时代总有一套漫画能够深入你或我心目中，陪伴我们成长，好似王司马嘅《牛仔》、王泽嘅《老夫子》、李惠珍嘅《十三点》，到后来黄玉郎嘅《龙虎门》同麦家碧嘅《麦兜》等等都风靡一时。其中仲有一套好“入屋”嘅漫画，就系广播剧《芝See菇Bi Family》苦荣与小苦妹一家，佢地当时好受大家欢迎。广播剧、漫画、电影、甚至歌曲咩都有。苦荣一家嘅生活大小事，就好似喺我哋身边发生紧，伴我哋成长。

近年香港本土都出产好多知名嘅插画家，好似门小雷同利志达等，佢哋甚至可以走出香港发展，大获好评。不过仍然有唔少人认为“画公仔”出路窄、成名难。苦荣一家嘅漫画创作人伍尚豪就认为，香港“画公仔”其实有不少出路，而跨媒体嘅发展赋予更多嘅空间。有时一个“公仔”胜过千言万语，但好嘅创作必须要有感染力，“想要打动人，就先要打动自己”。