科技日益發達，如今智能手機嘅語音輸入功能，可直接將所講嘅內容轉成文字，非常方便。唔講唔知，原來早在上世紀，香港已經有類似嘅服務，即係代客寫信。

昔日嘅香港，普通基層讀完小學，便停學開工，幫補家計。由於佢地識字唔多，搵人代寫書信嘅需求開始增加。到六、七十年代，年輕人開始赴海外留學，書信係聯繫屋企人嘅唯一途徑。此時，代書唔只係幫客人寫信，亦會充當翻譯嘅角色，將信中子女嘅思念之情，傳達俾屋企人。

隨著教育嘅普及，識字嘅人越來越多，如今已無代書呢個需求。

據悉，當年代書人會喺寫信前與客人傾計，聆聽他們的故事，再將客人嘅情感同想法轉化為文字。對比冷冰冰嘅科技，一封用心代寫嘅家書，都係一份無可取代嘅溫暖。