端午節，除左食吓糉、去沙田睇扒龍舟外，仲可以睇巨龍船~ 原來喺觀塘茶果嶺村有一隻巨龍船俾大家睇。根據村民所講，呢隻龍船叫做「合義龍」，有60年歷史，當年茶果嶺村仲係沿岸村落嘅時候，合義龍曾經贏過多場龍舟賽事。但滄海桑田，風光不在，而家巨龍船只能長留陸上，見證住茶果嶺嘅變遷，以及承載住當地村民滿滿的回憶。